هدية حلوة اوى .... شرح لإسطوانة الهيرنز الشهيرة للصيانة

من طرف ahmed kiko الأحد فبراير 17, 2008 1:37 pm

بسم الله الرحمن الرحيم

من المؤكد ان كل واحد مننا لما بيستخدم الجهاز بتقابله بعض المشاكل ... كبيرة بقى او صغيرة المهم انها مشاكل ممكن تتعالج
من الآخر انا جايبلكم شرح للاسطوانة الخرافة فى الصيانة ومعالجة المشكلات واسمها (هيرنز Herin's)
مع العلم ان الصور دى --- العبد لله --- اللى صانعها بنفسه ولله الحمد ... وهيا بصراحة تعبتنى وكمان عدلت فيها علشان تظهر بالشكل دا لأحسن شباب

الــــمـــهــــم نـبـدا الـــــشــــرح

بص ياعم انت اول ما بتدخل الاسطوانة فى السى دى روم بعد ما بتظبط اعدادات الماذر على انها تبوت من السى دى روم
بتظهر ليك الشاشة دى ...

اكيد هنختار الاختيار التانى اللى هوا start BootCD

وبعد كدا علطووووول هتظر لينا الشاشة دى

ودلوقتى هناخد رقم رقم .. إحم إحم ... أقصد ناخد اختيار اختيار
الاختيار الاول وهوا -------> Disk Partition Tool

** والاختيار دا باين من اسمه طبعا ... بيحتوى على برامج التقسيم والفرمته وخلافه **
ولما بنضغط عليه بتظهر لينا الشاشة دى

استنوا رايحين فين لسه فيه شوية برامج كمان وهنلاقيها بعد اما نضغط على كلمة More
ودى شكل الشاشة اللى هتظهر

طيب ودلوقتى هنرجع للشاشة الاولانية بالضغط على Back

============================================================

نيجى للاختيار التانى وهوا-------> Disk Clone Tool

** وفيه برامج خاصة البارتشنات والجوستس والنسخ .... ودى الشاشة اللى هتظهر لما بنضغط عليه **

وطبعا هنرجع بالضغط على Back

============================================================

تالت اختيار وهوا -------> Anti Virus Tools

** ودا بيحتوى على برامج الانتى فايرس اللى بتشتغل فى الدوس والميزة اللى فيها انها بتعمل سكان على الرامات كمان ... ودى الشاشة بتاعتها **

===========================================================

رابع اختيار وهوا -------> Recovery Tools

** بيحتوى على برامج استعادة المحذوفات ... بس طبعا مش كل المحذوفات هترجع بعضها فقط ...... ودى شاشتها **

============================================================

خامس اختيار-------> Testing Tools

** ودا من اهم الاختيارات لأنه بيحتوى على برامج الفحص للمكونات المادية ودي شاشته **

=============================================================

سادس اختيار-------> Hard Disk Tools

** باين برضه من اسمه انه بيحتوى على برامج خاصة بالقرص الصلب ... الهارد يعنى **
ودى شاشته

اضغط على More هتلاقى الشاشة دى

دوس على More

بس نصيحة بلاش تلعب فى حاجة متعرفهاش لإن الكليك بفورة يعنى اى غلطة انسى الهارد بعدها

=============================================================

سابع اختيار-------> System Info Tools

** ودا برضه من اهم الاختيارات الموجودة لأنه بيحتوى على برامج تجيبلك ارار الجهاز ومكوناته يعنى كل اللى فى الجهاز من مكونات **
ودى شاشته

اضغط على More هتلاقى الشاشة دى

==============================================================

تامن اختيار-------> File Manager

** يعنى مدير الملفات وهوا فيه شوية برامج هتعوزها لو حبيت تنقل ملفات او تنسخها من مكان للتانى وكدا يعنى **
ودى شاشته

وأهم اختيار هنا هوا الــ Mini Windows
اضغط عليه هتلاقى الاختيارات دى واختار الاخرانى علشان تشتغل على نسخة ال98

وعلشان تحمل ملفات النسخة اختار الاختيار التالت من الشاشة دى

وسيبها تحمل الملفات
****** وهيا عبارة عن نسخة مبسطة من ويندوز 98 ودا حقيقى لأنها نسخة فعلا تقدر تعمل فيها الحاجات الاساسية من نقل ونسخ وفرمته
ابسط ياسيدى عندك ويندوز 98 من غير تسطيب ... وبصراحة هتنقذك كتيييييييييير النسخة دى واسأل مجرب

=============================================================

دوس على Next
هتلاقى الشاشة دى وهيا عبارة عن تكملة للاقسام الريسية السابقة

الاختيار-------> MBR ( Master Boot Record ) Toools

**** ودا اخطر الاقسام لأنه بيتعامل مع اهم جزء فى الهارد وهوا قطاع البداية ****
ودى شاشته

اضغط على More

وبلاش لعب او تجريب فى القسم دا لو متعرفش انت بتعمل ايه ... ودى نصيحة مش اكتر

============================================================

اختيار-------> BIOS\CMOS Tools

** فيه برامج خاصة بفحص البايوس بتاع جهازك والبطارية كمان **

اضغط على More هتظهرالشاشة دى

=============================================================

اختيار-------> MultiMedia Tools

** فيه برامج لتصفح الجهاز وتشغيل الصور والمقاطع الصوتية والفيديو من الدوس **

=============================================================

اختيار-------> Password & Registry Tools

** فيه برامج خاصة بايجاد وفك الباسوردات بتاعت الجهاز وبرامج الريجيستر **

=============================================================

اختيار-------> NTFS Ext2FS , Ext3fs Tools

** وفيه برامج لتصفح البارتيشنات مهما كان نظام معالجة الملفات بتاعته من خلال الدوس **

=============================================================

اختيار-------> Other Tools

** هتلاقى فيه شوية برامج ممكن تقيس بيها سرعة النت عندك ... ادخل وجرب **

=============================================================

اختيار -------> Dos

** بيدخلنا على نظام الدوس والاهم من كدا انه بيدعم خاصية الـــ SmartDRV **
ودا لما تختار الدوس رقم 8

وعلشان تدخل على الDos اللى فيه الخاصية دى اختار الاختيار التامن وسيبه يحمل

*************************************************************************
*************************************************************************

وبكدا اكون اديتكم فكرة مبسطة عن استخدام الاسطوانة وانتوا وشطارتكم فى استخدام البرامج اللى فيها
ولو احتجتم اى حاجة متترددوش ابعتوا ردود وإسألوا وان شاء الله هرد عليكم
ويارب يكون الشرح عجبكم

وياريت اشوف ردود على الموضوع دا لإنى تعبت فيه اوى