تكلم بصراحة

بسم الله الرحمن الرحيم

هذا المنتدى موجود لسببين

1- عبر عن رأيك بصراحة و فكر واعلن افكارك واقتراحات
2- مكان نتواصل خلاله ونناقش اي شيء يخص الكلية ( مشاكل - مقررات - شيتات .....)

ملحوظة : انا الموجودة في اسم المنتدى المقصود بها كل واحد وليس كاتب الموضوع

اولا انا بشكر الادمن علي المنتدي ودي فكره جميله جا ان الواحد يئول رأيه بصراحه ودا طبعا قليل جدا لما نشوف حد مهتم برأي الطلاب


فعلا فعلا متشكرين جدا علي الاهتمام

ويريت جميع الطلاب تشارك في المنتدي وتئول أفكرها

السلام عليكم

لدي بعض المقترحات بحكم خبرتي السابقة في ادارة المنتديات ولاني المدير الحالي لمشروع برنامج منتديات مثل phpbb ومثيلاتها وهو [url=MySmartBB]http://mysmartbb.com/forums/[/url]

من وجهة نظري .

المنتدى بحاجة لاعادة هيكلة من حيث الاقسام . يجب وضع اقسام جديدة
اصدار المنتدى الحالي من phpbb قديمة ويجب تحديثها ال phpbb3
ستايل المنتدى به أخطاء ويجب تغيره لستايل مناسب يشجع على المشاركة

هذا مالدي الى الان

اطيب تحيه

أكيد الكلام هيكون محط اهتمام

طبعا مستعد اشارك باذن الله في حاجة زي كده

بس انا هأتخرج ان شاء الله الترم ده ،

اقدر اشارك في المشروع ده وانا بره الكلية اقصد بعد الترم ؟؟
والفكرة جيدة جدا طبعا . ويارب تتطبق صح .

وبأقترح في الموضوع ده تكوين فريق على المنتدى يكون مسئول عن الموضوع ده
الفريق ده المفروض يكون معتمد من الكلية ويشارك فيه معيدين وطلبة .
صحيح المعيدين كانوا طلبه ، لكن الطلبة هم اكتر ناس بيتأثروا بالحكاية دي .
ولو في وقت عند دكتور ممكن يبقى المشرف على الموضوع ، او واحد من المعيدين حسب ما الكلية تسمح .

وفي عندي حاجة كمان
بالنسبة لموضوع نقل لائحة عالمية .......
من وجهة نظري المتواضعة ، ان سبب مشكلتنا في التعليم من الاساس اننا مش بنطبق ذاتنا
احتياجاتنا مختلفة عن احتياجات غيرنا ،
اللى اقصده يعني مثلا
في دول كتير من العالم بيعتمد التعليم على البحث العلمي وخاصة في المراحل المتقدمة منه
طيب انا عندي طالب بيدخل الجامعة وهو اول مرة يحتك بالمكتبة وبالانترنت
وبالتالي ما ينفعش اطبق الاسلوب ده معاه .

هأتكلم بصراحة انا اتطلبت منى ابحاث مثلا قبل كده في الكلية ، كنت بأنقل مجرد نقل من كتب او من الانترنت
وبعدين الدكتور ما بيبصش على الكلام اصلا وعمرنا ما اتناقشنا فيه الا نادرا.
مجرد مثال

لكن اللى بأقترحه اننا نكون نفسنا ، ايه احتياجات الطالب المصري ؟؟
ياترى مستواه لما بيدخل الكلية ومدى استيعابه للجديد ؟؟

وفي حاجات تانية كتير لازم تؤخذ في الاعتبار

طيب في دراسات ولوائح جاهزة وناجحة وكويسة ماشي
يبقى نشوف الحاجت دي وندرسها تتوافق معانا ولا لأ

مثلا في لوائح هتعتمد على ان في امكانيات معينة في الجامعة دي ، لكن احنا ما عندناش
يبقى نعدلها للى يتناسب معانا .

ولسه في حاجات تانية كتير بس انا بأفضل نوصل لأخر كل موضوع وهنقدر نعمل فيه ايه
ما دام الحكاية فيها حلول ممكن تطبق .

وشكرا على الاهتمام